தென் ஆப்பிரிக்காவின் ஜோகனஸ்பர்க் நகரில் நடைபெற்ற ஜி-20 நாடுகளின் உச்சி மாநாடு மிகப்பெரிய வெற்றி பெற்றதாக, பிரதமர் மோடி பெருமிதம் தெரிவித்துள்ளார்.
தென் ஆப்பிரிக்கப் பயணத்தை நிறைவு செய்த பிறகு, நள்ளிரவில் பிரதமர் மோடி டெல்லி திரும்பினார். ஜி-20 உச்சி மாநாட்டில் பங்கேற்றதுடன், இந்தியா – பிரேசில்- தென்ஆப்பிரிக்கா தலைவர்கள் கூட்டத்திலும், மோடி பங்கேற்று உரையாற்றினார். இந்தநிலையில், டெல்லி திரும்பிய பிரதமர், வெளியிட்டுள்ள எக்ஸ் தள பதிவில், வெற்றிகரமான ஜோஹன்னஸ்பர்க் ஜி-20 மாநாடு, நிலையான வளர்ச்சியை உருவாக்கும் என்று தெரிவித்துள்ளார்.
உலகத் தலைவர்களுடனான தனது சந்திப்பு, மிகவும் பயனுள்ளதாக அமைந்தது என்றும், பல்வேறு நாடுகளுடனான இந்தியாவின் இருதரப்பு உறவுகளை தீவிரப்படுத்தும் வகையில், ஜி-20 உச்சிமாநாட்டை ஏற்பாடு செய்ததற்காக, தென் ஆப்ரிக்க மக்கள், அதிபர் சிறில் ராமபோசா மற்றும் அந்நாட்டு அரசுக்கு நன்றி தெரிவித்துக் கொள்வதாகவும், அதில் மோடி குறிப்பிட்டுள்ளார்.
