ஜம்மு மற்றும் காஷ்மீரின் ரியாசி மாவட்டத்தில் அமைந்துள்ள செனாப் நதியின் குறுக்கே கட்டப்பட்டுள்ள செனாப் ரயில்வே பாலம், உலகின் மிக உயரமான ரயில்வே பாலமாகும். இந்தப் பாலம், இன்று (ஜூன் 6, 2025) பிரதமர் நரேந்திர மோடி அவர்களால் திறந்து வைக்கப்படுகிறது.
செனாப் பாலம் (Chenab Bridge) இந்தியாவின் ஜம்மு மற்றும் காஷ்மீர் மாநிலத்தில் உள்ள ரீசி மாவட்டத்தில் அமைந்துள்ளது. இந்த பாலம், உதம்பூர்-ஸ்ரீநகர்-பாரமுல்லா ரயில்வே இணைப்பு திட்டத்தின் (USBRL) ஒரு முக்கிய பகுதியாகும்.
செனாப் பாலத்தின் சிறப்பம்சங்கள்:
உயரம்: செனாப் நதியின் மேற்பரப்பிலிருந்து 359 மீட்டர் உயரத்தில் அமைந்துள்ள இந்தப் பாலம், பாரிஸின் ஈஃபிள்கோபுரத்தைவிட 35 மீட்டர் உயரமானது.
நீளம்: மொத்தமாக 1,315 மீட்டர் நீளமுள்ள இந்தப் பாலம், 467 மீட்டர் நீளமுள்ள முக்கிய வளைவு மற்றும் 17 துணை வளைவுகளைக் கொண்டுள்ளது.பாலத்தின் கட்டுமானத்தில் 27,000 டன் ஸ்டீல் பயன்படுத்தப்பட்டுள்ளது
இந்தப் பாலம், பூகம்பம், வெப்பநிலை மாற்றங்கள் மற்றும் 260 கிமீ/மணி வேகத்தில் வீசும் காற்றுகளை தாங்கக்கூடிய வகையில் வடிவமைக்கப்பட்டுள்ளது. பாலத்தின் ஆயுள் 120 ஆண்டுகள் என மதிப்பிடப்பட்டுள்ளது. இந்தப் பாலத்தின் கட்டுமான செலவு சுமார் ₹1,486 கோடியெனக் கூறப்படுகிறது.
செனாப் பாலம், உதம்பூர்-ஸ்ரீநகர்-பாரமுல்லா ரயில்வே இணைப்பு (USBRL) திட்டத்தின் ஒரு முக்கிய அங்கமாகும். மொத்தமாக 272 கிமீ நீளமுள்ள இந்தத் திட்டத்தில் 36 சுரங்கங்கள் (மொத்த நீளம் 119 கிமீ) மற்றும் 943 பாலங்கள் அடங்கும். பிரதமர் மோடி, இன்று ஸ்ரீ மாதா வைஷ்ணோ தேவி கட்ட்ரா முதல் ஸ்ரீநகர் வரை இயக்கப்படும் இரண்டு வண்டே பாரத் எக்ஸ்பிரஸ் ரயில்களைக் கொடியசைத்து துவக்கவுள்ளார்.
இந்தச் சேவை, பயண நேரத்தைக் குறைத்து, சுற்றுலா மற்றும் வணிக வளர்ச்சிக்கு உதவியாக இருக்கும் என எதிர்பார்க்கலாம். இந்தப் புதிய ரயில்வே இணைப்பு, காஷ்மீர் பள்ளத்தாக்கின் மக்கள், சுற்றுலா பயணிகள் மற்றும் வணிகர்களுக்குப் பெரும் நன்மைகளை வழங்கும். பயண நேரம் குறைவதுடன், பொருளாதார வளர்ச்சிக்கும் இது உதவியாக இருக்கும்.
இந்தப் பாலத்தின் திறப்பு , இந்தியாவின் கட்டுமானத் துறையில் ஒரு புதிய மைல் கல்லாக அமைந்துள்ளது.. இந்தச் சாதனை, இந்தியாவின் பொது கட்டுமானத் துறையின் திறனை உலகிற்கு காட்டுகிறது.
