சீனாவில் சமீபத்தில் “கட்டிப்பிடி வைத்தியம்” (Hug Therapy) எனப்படும் ஒரு புதிய மனநல சிகிச்சை முறை இளம்பெண்கள் மத்தியில் பிரபலமாகியுள்ளது. இந்த நடைமுறை, தங்களது மன அழுத்தம் மற்றும் தனிமையை குறைக்க விரும்பும் இளம்பெண்கள், கட்டிப்பிடி, மற்றும் தோழமை போன்ற சேவைகளைப் பணம் கொடுத்துப் பெறும் ஒரு புதிய வழியாக உருவெடுத்துள்ளது.
இந்தச் சேவைகள், மன அழுத்தம் மற்றும் தனிமையை குறைக்க விரும்பும் இளம்பெண்களுக்கு ஒரு புதிய வழியாக உருவெடுத்துள்ளது.
மனநல நிபுணர்கள் கூறுவதாவது, கட்டிப்பிடி போன்ற உடல் தொடர்புகள், “ஆக்சிடோசின்” எனப்படும் ஹார்மோனின் உற்பத்தியை அதிகரிக்கின்றன. இது மன அழுத்தத்தைக் குறைக்கவும், மனநலத்தை மேம்படுத்தவும் உதவுகிறது. இது ஒரு மனநல சிகிச்சையாகப் பார்க்கப்படுகிறது. .
இச்சேவையைச் செய்யும் ஆண்கள், Man Mum என அழைக்கப்படுகின்றனர். இவர்கள், பெரும்பாலும் பொது இடங்களிலேயே அந்தச் சேவையை வழங்குகின்றனர். அவர்கள் தரும் Hug மூலம் தங்களின் கவலைகளை மறந்து மனநிம்மதியை உணர்வதாக இளம்பெண்கள் கருதுகின்றனர். ‘மேன் மம்’ என்பது சீனாவில் உடற்தகுதி மூலம் கட்டமைக்கப்பட்ட வலிமையுள்ள ஆண்களைக் குறிக்கிறது. சமீபத்தில், இது உடல்ரீதியாக வலிமையான, ஆனால் கருணையுள்ள மற்றும் அக்கறையுள்ள ஆண்களுக்கான ஒரு புதிய வடிவமாக மாறியுள்ளது. அவர்கள் வழக்கமாக நடத்தை, பொறுமை, உடலமைப்பு மற்றும் தோற்றம் போன்ற பல்வேறு அளவுகோல்களின் அடிப்படையில் தங்கள் பெண்ணைத் தேர்ந்தெடுப்பார்கள்.
இந்த நடைமுறைக்குச் சமூகத்தில் பல கருத்துகள் எழுந்துள்ளன. சிலர் இதை ஒரு புதிய மனநல சிகிச்சை முறையாகப் பாராட்டுகின்றனர், மற்றவர்கள் இதைப் பெண்களின் மரியாதையை குறைக்கும் ஒரு நடைமுறையாக விமர்சிக்கின்றனர். சட்ட நிபுணர்கள், இந்தச் சேவைகள் சட்டரீதியாகத் தெளிவாக வரையறுக்கப்படவில்லை என்பதால், எதிர்காலத்தில் இது சட்டபூர்வமான சிக்கல்களை ஏற்படுத்தக்கூடும் என்று எச்சரிக்கின்றனர். எனினும் இது மனநல சிகிச்சையின் ஒரு புதிய பரிமாணமாக அங்குப் பார்க்கப்படுகிறது.
