தமிழ் சினிமா ரசிகர்களுக்காகப் பெரிதும் எதிர்பார்க்கப்பட்ட ‘மாரீசன்’ திரைப்படத்தின் அதிகாரப்பூர்வ டீசர் இன்று (ஜூன் 4, 2025) வெளியாகியுள்ளது. இந்தப் படம், வடிவேலு மற்றும் நடிப்பில் மிரட்டும் ஃபகத் ஃபாசில் ஆகியோர் இணைந்து நடித்துள்ளனர்.
1.30 நிமிடங்கள் கொண்ட டீசர், 1957 ஆம் ஆண்டு வெளியான ‘மாயாபஜார்’ படத்தின் “ஆஹா இன்ப நிலவே” என்ற பாடலுடன் தொடங்குகிறது. இந்தக் காட்சி, ரசிகர்களைக் கவர்ந்து, பசுமை நினைவுகளைத் தூண்டும் விதமாக அமைந்துள்ளது. வடிவேலு மற்றும் ஃபகத் பாசில் இருவரும் பைக்கில் சவாரி செய்யும் காட்சிகள் நம்மைக் கவர்ந்திழுக்கும் வகையில் அமைந்துள்ளது.
அதே சமயம், டீசரின் முடிவில் இருவரும் வன்முறையாக மாறித் தாக்கும் காட்சிகள், படத்தில் ஏற்படும் திருப்பங்களைக் குறிக்கின்றன. இதன் மூலம் படம் ஒரு மிஸ்டரி காமெடி பாணியில் இருக்கும் என எதிர்பார்க்கப்படுகிறது.
தயாரிப்பு: சூப்பர் குட் ஃபிலிம்ஸ் (RB சௌத்ரி)
இயக்கம்: சுதீஷ் சங்கர்
இசை: யுவன் சங்கர் ராஜா
திரைக்கதை, வசனம்: வி. கிருஷ்ணமூர்த்தி
ஒளிப்பதிவு: கலைசெல்வன் சிவாஜி
படத்தொகுப்பு: ஸ்ரீஜித் சாரங்
மேலும் முக்கிய கதாபாத்திரங்களில் வடிவேலு, ஃபகத் ஃபாசில், கோவை சரளா, விவேக் பிரசன்னா, சித்தாரா, லிவிங்ஸ்டன், பி.எல். தெனப்பன், ரேணுகா, சரவண சுப்பையா மற்றும் பலர் நடித்துள்ளனர்.
‘மாரீசன்’ திரைப்படம், ஜூலை 2025 இல் திரையரங்குகளில் வெளிவரவுள்ளதாக அதிகாரப்பூர்வமாக அறிவிக்கப்பட்டுள்ளது.
இந்த கூட்டணியில் வெளியாகும் ‘மாரீசன்’ ரசிகர்களுக்கு ஒரு வித்தியாசமான அனுபவத்தை தரப்போகும் என எதிர்பார்க்கப்படுகிறது. வடிவேலுவின் காமெடியும், ஃபகத்தின் நுட்பமான நடிப்பும் இணையும் இந்த படம், தமிழ் சினிமாவில் ஒரு புதிய பரிமாணத்தை ஏற்படுத்தும் என்று மக்களால் எதிர்பார்க்கப்படுகிறது.
