காவிரி டெல்டா மாவட்டங்களில் விட்டு விட்டு பலத்த மழை பெய்து வருவதால், பொதுமக்களின் இயல்பு வாழ்க்கை பாதிக்கப்பட்டுள்ளது.
தஞ்சை மாவட்டத்தில் நேற்று பிற்பகல் முதல், தொடர்ந்து விட்டு விட்டு மழை பெய்து வருகிறது. கடந்த 24 மணி நேரத்தில் தஞ்சை மாவட்டத்தில் மிக அதி கன மழையாக, மதுக்கூர் பகுதியில் 14 சென்டி மீட்டர் மழை பதிவாகியுள்ளது. தஞ்சை நகர் பகுதியில் தொடரும் மழையால், சாலைகளிலும், தெருக்களிலும் மழைநீர் பெருக்கெடுத்து ஓடுகிறது. அதே நேரத்தில், நடவு செய்யப்பட்டுள்ள சம்பா மற்றும் தாளடி நெற்பயிர்கள் அழுகி விடும் என்பதால், விவசாயிகள் கவலை அடைந்துள்ளனர்.
திருவாரூர் மாவட்டத்திலும் நள்ளிரவு முதல், விட்டு விட்டு மழை பெய்து வருகிறது. இதனால், பொதுமக்கள் சற்று சிரமத்திற்கு ஆளாகி உள்ளனர். திருவாரூர் ரயில்வே பாலம் முழுவதுமாக மழைநீர் தேங்கியிருப்பதால், அந்த பகுதியில் போக்குவரத்து தடை செய்யப்பட்டுள்ளது. மன்னார்குடி, வலங்கைமான், திருத்துறைப்பூண்டி, நன்னிலம் சுற்றுவட்டாரத்திலும் மழை பெய்து வருகிறது.
(திருவாரூர் பேடி டேமேஜ்)
திருவாரூர் மாவட்டம் கூத்தாநல்லூர், கருப்பூர், நிமிலச்சேரி சுற்றுவட்டாரத்தில் சுமார் ஆயிரம் ஏக்கரில், நெல் பயிர்கள் தண்ணீரில் மூழ்கி இருக்கிறது. குறுவை சாகுபடி கைகொடுக்காத நிலையில், இப்போது தாளடி பயிர்களும், தண்ணீரில் மூழ்கி அழுகும் நிலையில் இருப்பதால், விவசாயிகள் கவலை அடைந்துள்ளனர். அரசாங்கம் தங்களுக்கு இழப்பீடு வழங்க வேண்டும் என, அவர்கள் கோரிக்கை வைத்துள்ளனர்.
கடலூர் மாவட்டத்திலும் பரவலாக கனமழை பெய்து வருகிறது. சாலைகளிலும், தாழ்வான இடங்களிலும் மழை நீர் தேங்கி இருப்பதால், போக்குவரத்துக்கு இடையூறு ஏற்பட்டுள்ளது. இதேபோல், விழுப்புரம், கள்ளக்குறிச்சி, அரியலூர் மாவட்டங்களிலும் மழை தொடர்வதால், மக்கள் சற்று சிரமத்திற்கு ஆளாகி உள்ளனர்.
டெல்டா மாவட்டங்களில் பலத்த மழை
Leave a Reply
- Trending
- Comments
- Latest
