உச்ச நீதிமன்றத்தின் 53-வது தலைமை நீதிபதியாக சூர்ய காந்த் இன்று பொறுப்பேற்றுக் கொண்டார். அவருக்கு குடியரசு தலைவர் திரௌபதி முர்மு பதவிப்பிரமாணம் செய்து வைத்தார்.
ஹரியானா மாநிலம் ஹிசார் மாவட்டத்தில் பிறந்த சூர்ய காந்த், பஞ்சாப் மற்றும் ஹரியானா உயர் நீதிமன்ற நீதிபதியாகவும், 2018-ஆம் ஆண்டில் இமாச்சலப் பிரதேச உயர் நீதிமன்ற தலைமை நீதிபதியாகவும் பதவி வகித்தார். அதன் தொடர்ச்சியாக, உச்ச நீதிமன்ற நீதிபதியாக பொறுப்பேற்றார். இதற்கு முன்பு தலைமை நீதிபதியாக இருந்த பி.ஆர்.கவாய் பணி ஓய்வு பெற்றதை அடுத்து, சூர்யகாந்த் இன்று தலைமை நீதிபதியாக பதவியேற்றுக் கொண்டார்.
தலைமை நீதிபதி பதவியேற்பு விழாவில், பிரதமர் நரேந்திரமோடி, மத்திய அமைச்சர்கள் அமித்ஷா, ராஜ்நாத்சிங், ஜே.பி.நட்டா உள்ளிட்டோர் கலந்து கொண்டனர். 2027-ஆம் ஆண்டு பிப்ரவரி 9-ஆம் தேதி வரை, சூர்யகாந்த் தலைமை நீதிபதி பதவியில் நீடிப்பார்.
ஜம்மு காஷ்மீருக்கான சிறப்பு அந்தஸ்தை ரத்து செய்தது, பீகார் வாக்காளர் பட்டியல் திருத்தம் உள்ளிட்ட பல வழக்குகளில் தீர்ப்புகளை வழங்கிய உச்ச நீதிமன்ற அமர்வுகளில், சூர்யகாந்த் இடம் பெற்றிருந்தார் என்பது குறிப்பிடத்தக்கது.
புதிய தலைமை நீதிபதி பதவியேற்பு விழா
Leave a Reply
- Trending
- Comments
- Latest
