கரூர் கூட்ட நெரிசலில் சிக்கி 41 பேர் உயிரிழந்த சம்பவத்தில், ஈடுபட்டவர்கள் யாராக இருந்தாலும், சட்டப்படி கடுமையாக தண்டிக்கப்பட வேண்டும் என தவெக இணை பொதுச்செயலாளர் சி.டி.நிர்மல்குமார் தெரிவித்துள்ளார்.
கரூர் சம்பவம் தொடர்பாக தவெக பொதுச்செயலாளர் ஆனந்த், இணைப் பொதுச்செயலாளர் சி.டி.நிர்மல்குமார், தேர்தல் பிரிவு மேலாண்மை பொதுச்செயலாளர் ஆதவ் அர்ஜூனா உள்ளிட்டோர் இரண்டாவது நாளாக இன்றும் சிபிஐ விசாரணைக்கு ஆஜராகினர். அவர்களிடம் சிபிஐ அதிகாரிகள் விஜய் தேர்தல் பிரசார பயண திட்டம், கூட்ட ஏற்பாடுகள் உள்ளிட்டவை குறித்து விசாரித்தனர்.
விசாரணைக்கு பிறகு செய்தியாளர்களிடம் பேசிய நிர்மல்குமார், இந்த சதி செயலில் ஈடுபட்டவர்களை கைது செய்ய தவெக முழு ஒத்துழைப்பை தரும் என உறுதியளித்தார்.
