தமிழ் சினிமாவின் மாபெரும் இயக்குநர்களில் ஒருவரான வெற்றிமாறன், தனது அடுத்த திரைப்படத்திற்கு தயாராகி வருகிறார். இதில் முக்கிய கதாபாத்திரத்தில் நடிகர் சிம்பு நடிக்கிறார் என்ற தகவல் தற்போது அதிகாரப்பூர்வமாக உறுதி செய்யப்பட்டுள்ளதால், திரையுலகில் பெரும் எதிர்பார்ப்பு உருவாகியுள்ளது.
படம் ஒரு கேங்ஸ்டர் பின்னணியில் அமையவிருக்கிறது.வடசென்னை பகுதியில் முக்கிய காட்சிகள் படமாக்கப்பட உள்ளன.படப்பிடிப்பு ஜூன் மாத இறுதி அல்லது ஜூலை முதலாம் வாரத்தில் துவங்கும் எனத் தயாரிப்புக் குழு தெரிவித்துள்ளது.
இது வெற்றிமாறனுக்கும் சிம்புக்கும் இடையிலான முதல் கூட்டணி என்பது குறிப்பிடத்தக்கது.
பொதுவாக வெற்றிமாறன் திரைப்படங்கள் – உண்மைச் சித்திரிப்பு, இயல்பான நடிப்பு மற்றும் சமூக உணர்வுகளை மையமாகக் கொண்டு காட்சிகளைக் கொண்டு இருக்கும். அதேபோல், சிம்புவும் தனது சமீபத்திய படங்களில் வழக்கத்திற்கு மாறாக வித்தியாசமான கதாபாத்திரங்களில் நடித்து வருகிறார்.
இருவரும் இணைந்து பணியாற்றும் இந்தப் புதிய முயற்சி, தமிழ் சினிமாவில் ஒரு முக்கிய திருப்புமுனையை ஏற்படுத்தும் என எதிர்பார்க்கப்படுகிறது.
படத்திற்கான திரைக்கதை வேலைகள் முடிவடையும் நிலையில் உள்ளன. நடிகர்கள் மற்றும் தொழில்நுட்பக் குழுவினர் தேர்வு செய்யும் பணிகள் நடைபெற்று வருகின்றன. விரைவில் படத்தின் தலைப்பு, முதல் போஸ்டர் உள்ளிட்ட அதிகாரப்பூர்வ அறிவிப்புகள் வெளியாகும் என எதிர்பார்க்கப்படுகிறது.
வெற்றிமாறன் – சிம்பு கூட்டணி, தமிழ் சினிமாவில் அடுத்த பெரிய ஹிட்டாக உருவாகும் என ரசிகர்கள் நம்பிக்கையுடன் எதிர்நோக்குகின்றனர். சமூக அரசியல் மற்றும் புது பரிமாணங்களைக் கொண்ட கதைக்களத்தில் சிம்பு எப்படி வெற்றிமாறனின் காட்சிகளில் வெளிப்படுவார் என்பது பெரும் ஆர்வத்தை ரசிகர்களிடையே ஏற்படுத்தியுள்ளது.
